المنتج طارق الجنايني يوجه رسالة لهند صبري بعد الجدل المثار حولها

 وجه المنتج طارق الجنايني، رسالة للفنانة هند صبري بعد الجدل المثار حولها بشأن تورطها في انفصال الفنانة مها نصار عن زوجها المخرج حسين المنباوي.

وقال طارق الجنايني:"قريت إمبارح شوية كلام فاضي يخص شخصية يحبها و بحترمها و دايماً بقول ان ليها فضل كبير عليا و على شركتي
هند صبري أول شخص في الصناعة دي صدق فيا و دعمني لما قررت أدخل مجال الأنتاج و أنا تقريباً ما أعرفش فيه حد، و في الوقت اللي كانت هي نجمة مهمة تتمنى أي شركة أنها تشتغل معاها".

وتابع:"أول برنامج كبير أنتجته، كان برنامج "الشقة" الل قدمته هند صبري، و كان فكرتها ..أول مسلسل أنتجته، كان "عايزة أتجوز" وبرضو هي اللي اقترحت عليا الفكرة لما قرأت الكتاب بتاع غادة عبد العال
وعملنا برضو مع بعض مسلسل ڤيرتيجو ومسلسل إمبراطورية مين؟ ".

وأوضح:"أنا و هند ماشتغلناش مع بعض بقالنا حوالي ١٠ سنين بس ده عمره ما فرق في الود و الأحترام و الصداقة الحقيقية".

وأضاف:"هند صبري حقيقي مثال يحتذى به في الثقافة والهدوء والألتزام والإحترافية
وأي حد اشتغل معاها في ال٢٠ سنة اللي فاتت يشهد بذلك".